Буряадай дуушан Дугарма Цыреновагай шэнэ дуун - «Зальбарнаб»

Үнгэрһэн үдэр Буряадай дуушан Дугарма Цыренова «Зальбарнаб» гэһэн шэнэ дуугаа сүлжээ холбоондоо толилбо.

- Сэрэгэй тусхайта үйлэ хэрэгтэ хабаадалсажа, ами наһантаяа хахасаһан сэрэгшэдэй гэрэлтэ дурасхаалда энэ дуугаа зорюулнаб. Эхэ ороноо хамгаалжа, баатарай үхэлөөр унаһан хүбүүдээ хододоо һанажа, дурасхаалынь мүнхэлжэ ябаха ёһотойбди, - гэжэ Дугарма Цыренова тэмдэглэһэн байна.

Дуунай үгэ болон хүгжэмынь дуушан өөрөө бэшээ. Дуунай буулгабари доро шагнагшад шэнэ найруулга һайшаажа: «Нулимса дуһална, бархирнаб», «Дугарма, hайн даа! Дайнай хатуу газарта унаhан хүбүүдэймнэй нэрэ hүлдэ мүнхэлжэ, hайханаар бэшэжэ, уриханаар дуулаhандаш ехэ баярые хүргэнэбди», «Хайрата манай хүбүүд, түргөөр дайн дууhаг лэ», «Шанга, хүсэтэй, удхатай»  гэхэ мэтээр олон зон баяраа мэдүүлжэ, зальбарһан зурагуудые табина.