169
«Элүүрые хамгаалга» гэжэ үндэһэтэнэй түсэлөөр поликлиникын барилгада 110 сая түхэриг һомологдоһон байна. Аймагай поликлиникэ урид хирургиин таһагай байшан соо ажалаа ябуулдаг һэн. Эмнэлгын шэнэ эмхи зургаан аймагай түбһөө гадна Северомуйск, Муя ба Муяын Адаг һууринуудай ажаһуугшадые хангаха. Үдэрэй туршада 75 хүн эмнэлгын шанартай туһаламжа абаха аргатай болохо.
1058 хоёролжон метрэй талмайтай байшан соо регистратура, эмнэлгын газар ерэһэн зоной хубсаһаяа орхихо гардероб, хирургиин, халдабарита үбшэнүүдэй, шүдэ аргалалгын, терапиин таһагууд байха. Тиихэдэ психиатр-наркологой, офтальмологой, неврологой, отоларингологой ба дерматовенерологой кабинедүүд бии болохо. Мүн эхэнэрнүүдэй таһаг, физиотерапиин кабинедүүд нээгдэхэ.
Үнгэрэгшэ жэлдэ үндэһэтэнэй «Элүүрые хамгаалгын эхин хэсэг һэльбэн шэнэлэлгэ» түсэлөөр Муяын аймагай түбэй эмнэлгын газар УАЗ түхэлэй автоунаагаар болон эмнэлгын шэнэ түхеэрэлгэнүүдээр хангагдаа һэн гэжэ һануулнабди.
Автор: Янжима ДАРМАЕВА бэлдэбэ
Фото: Буряад Уласай Засагай газарай мэдээсэлэй албанай гэрэл зураг
