Буряадай Нижнеангарскын түбэй эмнэлгын газар мүнөө үеын тоног хэрэгсэлээр хангагдаба

«ФОТЭК» гэжэ электрохирургическа аппарат аша үрэтэйгөөр ба үбшэнгүйгөөр операцинүүдые хэхэ арга үгэнэ. Радио-долгинуудтай хутагаар 10-15 минутын туршада операци хэхээр.

Нижнеангарскын түбэй эмнэлгын газарай ахамад эмшэн Галина Мешковагай хөөрэһөөр, тус аппарадаар хүнэй бэе ехээр гэмтээнгүй, жэгдээр отолхоор.

- «ФОТЭК» гэжэ электрохирургическа аппарадаар эмнэлгын үедэ шуһан ехээр гарадаггүй, операциин удаа бэе түргэн эдэгэдэг, - гэжэ Галина Мешкова хэлэбэ.

Тиихэдэ тус аппарат биопси гэһэн шэнжэлэлгэдэ материал абахада хэрэглэгдэнэ.

Февралиин 17-до анха түрүүшынхиеэ энэ аппарадаар шэнжэлэлгэдэ хэрэгтэй материал абтаа. Акушер-гинеколог Елена Егоровагай хэлэһээр, тус арга бадаган үбшэн эртэ элирүүлхэдэ тон туһатай.

- Бадаган үбшэн эртэ элирүүлхэдэ, һайн болохо, эдэгэхэ найдал бүри ехэ. Манай үбшэнтэдтэ түргэн һайн болохыень, олон жэлэй туршада элүүр энхэ, жаргалтай ябахыень хүсэнэбди. Бидэ таанадта туһалхабди, ерэжэ байгты, - гэжэ тэрэ хэлээ.