13000 гаран һурагшад Буряадай «IT-куб» түбүүдтэ һурана

Росси гүрэн дотор болбосоролойболон эрдэм ухаанай һалбари һайжаруулагдана, улам ехэ дэмжэлгэдэ хүртэнэ. Россиин Юрэнхылэгшэ Владимир Путинай даабаряар, Оросой Холбоото Уласай Засагай газар гүрэн дотор һүүлэй 15 жэлэй туршада болбосоролой хүгжэлтын стратеги дээрэ хүдэлжэ байна.

Һурагшадай ерээдүйн мэргэжэлээ шэлэн абахадань туһалха, дээдэ ба дунда мэргэжэлэй һургуулинуудта ороходо хэрэгтэй болодог предмедүүдээр тэдэниие һонирхуулха талаар ехэ ажал хэгдэнэ.

Буряад Уласта һурагшадай ерээдүйн мэргэжэл шэлэхэ хэрэгтэ «IT-куб» түбүүд туһа хүргэнэ. Үндэһэтэнэй «Болбосорол» түсэлэй бүридэлдэ ородог федеральна «Болбосоролой тоо оньһоной оршон» гэжэ түсэлэй хэмжээндэ, 2020 онһоо хойшо уласай аймагуудта 8 «IT-куб» нээгдээ. Тодорхойлбол, Гусиноозёрск, Северобайкальск, Закаменск хотонуудта, Зэдын аймагай Петропавловка һууринда. Тиихэдэ 2 түб Загарайн аймагай Загарай ба Шэнэ Бэрээн һууринуудта, Мухаршэбэртэ ба Хоридо нээгдээ.

Зэдын аймагай Петропавловка һууринда хүдэлдэг түбэй багшанар һурагшадтай эдэбхитэй ажал ябуулжа, тэдэнэй ерээдүйн мэргэжэл шэлэхэдэнь туһална. «IT-куб» түбтэ ябадаг үхибүүд программировани, моделировани, эмнэлгын үндэһэ һуури үзэхэһөө гадна олон туһатай юумэндэ һурана. Тиихэдэ VR-хабсаргалтануудые байгуулжа һурана, түрүүшын туһа хүргэжэ шададаг болоно, олон янзын мэргэжэлнүүдтэй танилсана.                                                                             

Багшанарай оролдолгоор IT, робототехникэ,  3Д-моделировани шудалха дуратай 13000 гаран эдиршүүл «IT-куб» түбүүдтэ һурана.