489
«Элүүрые хамгаалга» гэжэ үндэһэтэнэй түсэлэй «Элүүрые хамгаалгын эхин шатын эмхи зургаануудые һэльбэн шэнэлэлгэ» гэһэн холбоото уласай түсэлөөр 2024 ондо Буряад ороной эмнэлгын газарнуудта 62 сая түхэригэй 54 авто-унаа абтаһан байна. Үнгэрэгшэ жэлэй апрель һарада «Лада Гранта» түхэлэй 30 хүнгэн автомашинын түлхюурнүүд аймагуудай 30 больницын, хотын табан поликлиникын ахамад эмшэдтэ барюулагдаа һэн. Энэ хэрэгтэ 23 сая түхэриг гаргашалагдаа. Тиихэдэ 2024 ондо «УАЗ» түхэлэй 24 санитарна автомобиль аймагуудай түбэй эмнэлгын газарнуудта, хотын поликлиникануудта дамжуулагдаһан байна. Эндэ 34 сая түхэриг һомологдоо. «Элүүрые хамгаалга» гэһэн Үндэһэтэнэй түсэлэй «Элүүрые хамгаалгын эхин шатын эмхи зургаануудые һэльбэн шэнэлэлгэ» гэһэн холбоото уласай программа Россиин Юрэнхылэгшэ Владимир Путинай үүсхэлээр бэелүүлэгдэжэ эхилээ. Түсэлэй хэмжээндэ 2021 ондо - 85, 2022 ондо - 100, 2023 ондо - 100, 2024 ондо 54 автомобиль (хамта 339) дамжуулагдаа.
«Эдэбхитэй ута наһан» гэһэн үндэһэтэнэй шэнэ түсэлөөр автопаркнуудые шэнэлэлгэ үргэлжэлхэ.
Автор: Янжима ДАРМАЕВА бэлдэбэ
Фото: Буряад Уласай Засагай газарай мэдээсэлэй албан
