Буряад-монгол зурхай мартын 10-һаа 16 болотор

Мартын 10, гарагай 2, буряад-монгол литээр 11.

Монлам Ченмо хурал. Гараһан жэлдэ гайгүй, амгалан тайбан ажаһуухаяа бар жэлтэй хүнүүдэй үргэл мүргэл үйлэдэхэдэ һайн.

11-дэ газар хахалхада, таряа ногоо тарихада, гэр байшан бодхооходо, хурим найр үнгэргэхэдэ, мал гаргахада һайн. Хубсаһа эсхэхэгүй, мал худалдажа абахагүй.

Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.

«Айлшанай» үүдэн нээгдэнэ: айлшадые урихагүй.

Энэ үдэр харгыда гарахада, баруун зүг руу муу, бэшэ зүгүүд руу һайн.

Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.

Үһэеэ абхуулхада – ухаан һонор болохо.

Мартын 11, гарагай 3, буряад-монгол литээр 12.

Монлам Ченмо хурал. Гараһан жэлдэ гайгүй, амгалан тайбан ажаһуухаяа туулай жэлтэй хүнүүдэй үргэл мүргэл үйлэдэхэдэ һайн.

12-то тушаал эзэлхэдэ, зарлиг тунхаглахада, газар хахалхада, таряа ногоо тарихада, айраг тараг бүрихэдэ һайн. Хубсаһа эсхэхэгүй, замда гарахагүй, эд мал худалдан абахагүй.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.

«Наймаанай» үүдэн нээгдэнэ: олзын хэрэг эрхилхэгүй.

Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.

 Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – аминда аюултай.

Мартын 12, гарагай 4, буряад-монгол литээр 13.

Монлам Ченмо хурал. Гараһан жэлдэ гайгүй, амгалан тайбан ажаһуухаяа луу жэлтэй хүнүүдэй үргэл мүргэл үйлэдэхэдэ һайн.

Тэрсүүд үдэр харгыда гараха, нүүхэ ба бэриин үйлэ, хүүр залаха гэхэ мэтые тэбшэхэ.

13-да гал тахихада, гэр байшан бодхооходо, замда гарахада һайн. Адуу мал, эд бараа абахые, хубсаһа эсхэхые, бэриин хэрэгүүдые тэбшэхэ.

Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.

«Хүбүүнэй» үүдэн нээгдэнэ: хүүгэдэй шухала хэрэг үйлэдэхэгүй, түрэһэн үдэрыень тэмдэглэхэгүй, гэрһээ холо эльгээхэгүй.

Энэ үдэр харгыда гарахада, зүүн зүг руу муу, бэшэ зүгүүд руу бараг.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – жаргалда.

Мартын 13, гарагай 5, буряад-монгол литээр 14.

Монлам Ченмо хурал. Гараһан жэлдэ гайгүй, амгалан тайбан ажаһуухаяа могой жэлтэй хүнүүдэй үргэл мүргэл үйлэдэхэдэ һайн.

14-дэ мал худалдан абахада, гэр байра барихада, газар хахалхада, замда гарахада һайн. Хубсаһа эсхэхые, нүүхые, үрэһэ тарихые тэбшэхэ.

Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.

«Сэрэгэй» үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахада, зүүн зүг руу муу, бэшэ тээшэ һайн.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – баялигта.

Мартын 14, гарагай 6, буряад-монгол литээр 15.

Монлам Ченмо хурал (түгэсэл). Гараһан жэлдэ гайгүй, амгалан тайбан ажаһуухаяа ямаршье жэлтэй булта хүнүүдэй үргэл мүргэл үйлэдэхэдэ һайн.

15-да гэр байра барихада, газар хахалхада, таряа ногоо тарихада, мал гаргахада, мал худалдан абахада, үгэхэдэ һайн. Нүүхэ, хубсаһа эсхэхэ, бэриин болон наһа барагшын хэрэгүүдые тэбшэхэ.

Амгалан тайбанай, хониной хэшэг даллага абахада һайн.

«Түрэлнүүдэй» үүдэн нээгдэнэ: түрэл гаралнуудтаяа найрлахагүй.

Энэ үдэр харгыда гарахада, урда зүг руу муу, бэшэ зүгүүд руу гэмгүй.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – үлзытэй. Гэбэшье һүнэһэн толгойдо оршоно.

Мартын 15, гарагай 7, буряад-монгол литээр 16.

16-да дэгэл хубсаһа эсхэхэдэ, аралжаа наймаа ябуулхада, таряа ногоо тарихада, нүхэсэхэдэ һайн. Замда гарахые, гэр байра барихые, агнахые тэбшэхэ.

 Амгалан тайбанай, таряа талханай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн.

«Хэрэмэй» үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.

Энэ үдэр харгыда гарахада муу, илангаяа баруун зүг руу.

Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй. 

Үһэеэ абхуулхада – үбшэндэ.

Мартын 16, гарагай 1, буряад-монгол литээр 17.

17-до замда гарахада, дэгэл хубсаһа эсхэхэдэ, аралжаа наймаа ябуулхада, газар хахалхада, таряа ногоо тарихада, наһа барагшын хэрэгүүдые бүтээхэдэ һайн. Бэри буулгахагүй, мал худалдахагүй.

Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.

«Бэриин» үүдэн нээгдэнэ: бэриин хэрэгүүдые бүтээхэгүй.

Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.

Луу жэлтэнэй урагшатай, һайн гараг.

Үһэеэ абхуулхада – зүһэ шарай муудаха, нюдэн бүрэлзэхэ.

Жаргал лама ДУГДАНОВ бэлдэбэ