167
Мартын 10-да Буряад Уласай Толгойлогшо Алексей Цыденов Эрхүү можын Хуули тогтоолгын суглаанай хүтэлбэрилэгшэ Александр Ведерниковтэй уулзаба. Уулзалгада Байгал далай хамгаалгын, Байгал шадар ажамидаралай тааруу зохид оршон байгуулгын, аяншалгын һалбари хүгжөөлгын асуудалнууд харагдаа.
- Хамтын хүсөөр шиидхэхэ асуудалнууд бидэндэ олон. Байгал далай хамгаалга хадаа шухала асуудалнуудай нэгэн болоно, энэ талаар хуули һаядаа абтаха. Тиихэдэ «Табан далай ба Байгал» гэһэн хамтын түсэл бэелүүлжэ байнабди. Нэгэ үгөөр хэлэбэл, хамта бүтээхэ юумэн олон, - гэжэ Алексей Цыденов тэмдэглээ.
Эрхүү можын Хуули тогтоолгын суглаанай хүтэлбэрилэгшэ Александр Ведерников Байгал далай хамгаалха асуудалнуудаар Буряад Уласай Толгойлогшын үүсхэл дэмжэжэ байһанаа мэдүүлбэ.
- Холбоото уласай хуули бүридхэлгын зарим асуудалнуудаар эгээ түрүүн хандагшад болонот гэжэ адагланаб. Бидэ таанадые дэмжэхэбди. Парламент хоорондын хэлсээнэй ёһоор бидэ хэлсээтэйгээр ажалаа ябуулнабди, дүй дүршэлөөрөө хубаалданабди. Ажаһуудалай шэнгэн үлэгдэлнүүдэй талаар холбоото уласай хуули мүнөө хүлеэжэ байнабди. Байгал шадар ажамидаралтай холбоотой бүхы бэрхэшээлнүүд, илангаяа ажаһуугшадай эрхэ хангаха хэрэг, аяншалга хүгжөөхэ талаар Россиин Юрэнхылэгшын табиһан бодолгонууд бидэниие нэгэдүүлнэ, - гэжэ Александр Ведерников тэмдэглээ.
Автор: Янжима ДАРМАЕВА бэлдэбэ
Фото: Буряад Уласай Засагай газарай мэдээсэлэй албан
