379
Мартын 17, гарагай 2, буряад-монгол литээр 18.
18-да гал тахихада, айраг тараг бүрихэдэ, газар хахалхада, таряа тарихада һайн. Мал худалдажа абахагүй, наһа барагшадай үйлэдэ муу.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
“Үхээриин” үүдэн нээгдэнэ: хүүр залахагүй.
Энэ үдэр харгыда гарахада муу, илангаяа зүүн зүг руу.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – гарза гараха.
Мартын 18, гарагай 3, буряад-монгол литээр 19.
19-дэ замда гарахада, гэр байшан барихада, газар хахалхада, таряа тарихада, айраг тараг бүрихэдэ һайн. Мал худалдахада, бэриин, наһа барагшын үйлэнүүдтэ муу.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
“Үхэлэй” үүдэн нээгдэнэ: наһа барагшын хэрэг бүтээхэгүй.
Энэ үдэр харгыда гарахада, зүүн зүг руу муу, бэшэ тээшэ һайн.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – Бурхан багшын һургаал дэлгэрхэ.
Мартын 19, гарагай 4, буряад-монгол литээр 20.
20-до адуу мал, эд бараа абахада, худалдахада, хубсаһа эсхэхэдэ, газар хахалхада, таряа тарихада, арьбажуулгын хэрэгүүдтэ һайн. Замда гарахые, бэриин хэрэгүүдые тэбшэхэ.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
“Ниитын” үүдэн нээгдэнэ: суглаа зарлахагүй, шухала уулзалга эмхидхэхэгүй.
Энэ үдэр “морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – үлэсхэлэндэ, ангалгада.
Мартын 20, гарагай 5, буряад-монгол литээр 21.
21-дэ эд бараа, мал худалдан абахада, газар хахалхада, таряа тарихада, замда гарахада һайн. Хубсаһа эсхэхые тэбшэхэ.
Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.
“Айлшанай” үүдэн нээгдэнэ: айлшадые урихагүй.
Энэ үдэр харгыда гарахада, урда зүг руу муу, бэшэ тээшэ һайн.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – халдабарита үбшэндэ.
Мартын 21, гарагай 6, буряад-монгол литээр 22.
22-то номдо, зурхайда, урлалда һурахада, газар хахалхада, таряа ногоо тарихада, мал гаргахада, мал худалдан абахада һайн. Замда гарахые, хубсаһа эсхэхые, бэриин болон наһа барагшын хэрэгүүдые тэбшэхэ.
Амгалан тайбанай, хониной хэшэг даллага абахада һайн.
“Наймаанай” үүдэн нээгдэнэ: олзын хэрэг эрхилхэгүй.
Энэ үдэр харгыда гарахада муу, илангаяа баруун зүг руу.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – үбшэндэ.
Мартын 22, гарагай 7, буряад-монгол литээр 23.
23-да гал тахихада, дэгэл хубсаһа эсхэхэдэ, замда гарахада, газар хахалхада, таряа ногоо тарихада, гэр байшан барихада һайн. Худаг малтахые, худалдаа наймаа ябуулхые, адуу мал худалдахые, нүүхые тэбшэхэ.
Амгалан тайбанай, таряа талханай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн.
“Хүбүүнэй” үүдэн нээгдэнэ: хүүгэдэй шухала үйлэ бүтээхэгүй, түрэһэн үдэр тэмдэглэхэгүй, гэрһээ холо эльгээхэгүй.
Энэ үдэр харгыда гарахада, баруун зүг руу муу, бэшэ зүг руу һайн.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – баялигта.
Мартын 23, гарагай 1, буряад-монгол литээр 24.
24-дэ замда гарахада, дэгэл хубсаһа эсхэхэдэ, эд бараа, адуу мал худалдан абахада, газар хахалхада, таряа тарихада һайн.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Луу жэлтэнэй урагшатай, һайн гараг.
Үһэеэ абхуулхада – үбшэндэ.
Жаргал лама ДУГДАНОВ бэлдэбэ
Фото: Анна Огородник
