Үдэ голоор «Культурная» электроподстанциин һужаанууд татагдаха

Энээн тухай Буряад Уласай Барилгын ба гэр байрын ажахы шэнэлэлгын сайдай уялга саг зуура дүүргэгшэ Евгений Коркин «Шухала юумэн тухай сэхэ руунь» гэһэн пресс-клубай үедэ мэдээсэбэ. Пресс-клубта «Амидаралай хангамжын ажахы: бэелүүлгэ, дүнгүүд, түсэбүүд» гэһэн сэдэбээр хөөрэлдөөн болоо.

Удахагүй хахад ольтирог болохоёо байһан “Зол жаргал” гэһэн ольтирог дээрэ «Культурная» подстанци баригдажа, ерэхэ үбэл ашаглалда тушаагдаха гэжэ Евгений Коркин мэдээсээ.

- Подстанци гоё объект болохо. Урда талань зэргээлээ байшангуудтал адляар үндэһэтэнэй угалзаар гоёогдохо. Хахад ольтирогой һужаанууд Үдэ голой оёороор гаргагдаха. Энэ арга Буряад орондо анха түрүүшынхиеэ хэрэглэгдэхэ, - гэжэ Буряад Уласай Барилгын ба гэр байрын ажахы шэнэлэлгын сайдай уялга саг зуура дүүргэгшэ Евгений Коркин тэмдэглэбэ.

«Культурная» подстанци дэбисхэрнүүдые хүгжөөлгын шэнэ объектнүүдые - ехэ һургуулииин байшануудай хоорондын кампус, үндэһэтэнэй музей, «Байгал» театр хангаха.