«Эсэгэ ороноо хамгаалагшадай кубогта» Буряадай ветернууд хабаадаа

Мартын 13-да Ханты-Мансийскда тамирай үбэлэй янзануудаар «Эсэгэ ороноо хамгаалагшадай Кубок» баярай оршондо нээгдэһэн байна. Сэрэгэй тусхай операциин ветеранууд Сергей Манханов ба Баир Дондоков хэмжээ ябуулгада хабаадаа.

- Сэрэгэй тусхай операцида хабаадагшадай бэе һэргээлгэдэ бидэ онсо анхарал хандуулдагбди. «Эсэгэ ороноо хамгаалагшад» гэһэн жаса нютаг можонуудай засагтай эдэбхитэйгээр ажал ябуулжа, ветерануудай бэеэ һорихо тамирай түбүүдые байгуулна, - гэжэ статс-секретарь - Россиин Хамгаалгын сайдай орлогшо,  «Эсэгэ ороноо хамгаалагшад» жасын түрүүлэгшэ Анна Цивилева тэмдэглэбэ.

Табан үдэрэй туршада Россиин 60 нютаг можын 300 гаран ветеран тамирай хэдэн янзаар мүрысөө. Санаар урилдаан, биатлон, следж-хоккей, сноуборд гэхэ мэтэ янзанууд хэмжээ ябуулгада оруулагдаа. Буряад Уласай түлөөлэгшэд, сэрэгэй тусхай операциин ветеранууд Сергей Манханов ба Баир Дондоков «Сноуборд» янзада хабаадха.  Мүрысөөнэй үедэ экскурсинүүд, сүлөө сагаа үнгэргэхэ талаар программа хараалагдаһан байна.