«Буряадай патриодууд» программада хабаадаха тухай 270 мэдүүлгэ оробо

Сэрэгэй тусхай үйлэ хэрэгүүдтэ хабаадаһан 270 хүн «Буряадай патриодууд» программада хабаадаха тухай мэдүүлгэ эльгээбэ. Һуралсал июлиин 1-һээ эхилжэ, 2026 оной январь болотор үргэлжэлхэ. Программа һуралсалай 500 часһаа бүридэнэ.

Буряад Уласай Толгойлогшо Алексей Цыденов сэрэгэй тусхай операцида хабаадагшадта, ветерануудта болбосоролой программын туһатай, шухала байһые тэмдэглээ. Тэрэнэй хэлэһээр, программа сэрэгэй тусхай операцида хабаадагшадай дадал шадабари амгалан байдалай оршондо бэелүүлхэ үүргэтэй.

 «Буряадай патриодууд» гэжэ һуралсалай курс холбоото уласай «Баатарнуудай саг» программын мүрөөр байгуулагдажа, болбосоролой 4дүрбэн модульһоо бүридэнэ. Һуралсалай үедэ модуль хоорондын хэмжээ ябуулганууд эмхидхэгдэхэ.

- Хабаадагша бүхэнэй хүгжэлтын шанарта ехэ анхаралаа хандуулхабди, - гэжэ Буряад Уласай Толгойлогшын зүбшэлэгшэ, «Буряадай патриодууд» программын тэнсүүлэгшэ Лариса Гончикова тэмдэглээ.

«Буряадай патриодууд» гэжэ программа дүүргэһэн ветеранууд гүрэнэй ба нютагай засагай органуудта, уласай үйлэдбэринүүдтэ хүтэлбэрилхы тушаалнуудые эзэлхэ аргатай.

Нютаг можын программада хабаадахын тула ПАТРИОТЫБУРЯТИИ.РФ сайт дээрэ үмсын кабинедтэ орожо, анкетын асуудалнуудта харюусаха хэрэгтэй. Мэдүүлгэнүүд мартын 28 болотор абтаха.