293
Апрелиин 7, гарагай 2, буряад-монгол литээр 10.
Ганжуур хуралай гурбадахи үдэр.
Бадмасамбаавын дүйсэн үдэр.
10-да дэгэл хубсаһа эсхэхэдэ, газар хахалхада, үрэһэ таряа тарихада һайн. Замда гарахые, эд бараа, адуу мал худалдажа абахые, бэриин үйлэ тэбшэхэ.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
“Ниитын” үүдэн нээгдэнэ: суглаа зарлахагүй, шу хала уулзалга эмхидхэхэгүй.
Энэ үдэр харгыда гарахада муу, илангаяа баруун зүг руу.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – жаргалда.
Апрелиин 8, гарагай 3, буряад-монгол литээр 11.
Тэрсүүд үдэр харгыда гарахые ба нүүхые, бэриин үйлэ, наһа барагшые хүдөө гаргаха гэхэ мэтые тэбшэхэ.
11-дэ гэр барихада, газар хахалхада, таряа ногоо тарихада, найр наада, хурим түрэ наадахада, мал хүнгэлхэдэ, гаргахада һайн. Дэгэл хубсаһа эсхэхэдэ, эд бараа, адуу мал худалдажа абахада муу.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
“Айлшанай” үүдэн нээгдэнэ: айлшадые гэртээ урихагүй. Энэ үдэр харгыда гарахада, урда зүг руу муу, бэшэ тээшэ зүглэхэдэ һайн. Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – баялигта.
Апрелиин 9, гарагай 4, буряад-монгол литээр 12.
12-то айраг тараг бүрихэдэ, газар хахалхада, таряа ногоо тарихада, мал хүнгэлхэдэ, тушаалда томилходо, зарлиг гаргахада һайн. Замда гарахые, дэгэл хубсаһа эсхэхые, эд бараа, адуу мал худалдан абахые тэбшэхэ.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
“Наймаанай” үүдэн нээгдэнэ: олзын хэрэг эрхилхэгүй. Энэ үдэр «морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – аминда харша.
Апрелиин 10, гарагай 5, буряад-монгол литээр 13.
13-да гал тахихада, газар хахалхада, таряа ногоо тарихада, гэр байра барихада, газар уһанай ажал бүтээхэдэ, замда гарахада һайн. Хубсаһа эсхэхые, хурим түрэ наадахые, эд бараа, адуу мал худалдан абахые тэбшэхэ.
Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.
“Хүбүүнэй” үүдэн нээгдэнэ: хүүгэдэй шухала үйлэ бүтээхэгүй, түрэһэн үдэр тэмдэглэхэгүй, гэрһээ холо эльгээхэгүй.
Энэ үдэр харгыда гарахада, зүүн зүг руу муу, бэшэ тээшэ һайн. Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – жаргалда.
Апрелиин 11, гарагай 6, буряад-монгол литээр 14.
14-дэ гэр байра барихада, газар уһанай ажал хэрэгүүдтэ, таряа ногоо тарихада, эд бараа, адуу мал худалдан абахада, худалдахада, наһа барагшын хэрэгүүдтэ һайн. Дэгэл хубсаһа эсхэхые, мал хүнгэлхые, нүүхые тэбшэхэ.
Амгалан тайбанай, хониной хэшэг даллага абахада һайн.
“Сэрэгэй” үүдэн нээгдэнэ: бэри буулгахагүй. Энэ үдэр харгыда гарахада, зүүн зүг руу муу, бэшэ тээшэ бараг.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – хэрүүл аман, тэмсэл дэлгэрхэ.
Апрелиин 12, гарагай 7, буряад-монгол литээр 15.
Абида бурханай дүйсэн үдэр.
15-да гэр байра барихада, газар хахалхада, таряа ногоо тарихада, эд бараа, адуу мал худалдан абахада, үгэхэдэ, мал гаргахада, наһа барагшын хэрэгүүдтэ һайн. Нүүхые, дэгэл хубсаһа эсхэхые, мал хүнгэлхые, бэриин болон наһа барагшын хэрэгүүдые тэбшэхэ.
Амгалан тайбанай, таряа талханай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ һайн.
“Түрэлнүүдэй” үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ гэмгүй.
Үхэр жэлтэнэй урагшатай гараг; бар, туулай жэл тэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – үлзытэй, гэбэшье һүнэһэн толгойдо оршоно гэжэ болгоомжолхо.
Апрелиин 13, гарагай 1, буряад-монгол литээр 16.
16-да анда нүхэд болоходо, замда гарахада, дэгэл хубсаһа эсхэхэдэ, аралжаа наймаа ябуулхада, газар хахалхада, таряа ногоо тарихада, мал хүнгэлхэдэ һайн. Наһа барагшын, бэриин үйлэнүүдые, эд бараа, адуу мал худалдан абахые, замда гарахые, гэр байра барихые, агнахые тэбшэхэ.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.
Энэ үдэр харгыда гарахада муу, илангаяа баруун зүг руу.
Луу жэлтэнэй урагшатай, һайн гараг.
Үһэеэ абхуулхада – үбшэндэ.
Жаргал лама ДУГДАНОВ бэлдэбэ
Фото: Анна Огородник
