Буряадай Толгойлогшо авиа-барилгын холын хараата түсэлнүүдтэй Денис Мантуровые танилсуулба

2025 оной апрелиин 2-то Буряадай Толгойлогшо Алексей Цыденов Россиин Юрэнхылэгшэ Владимир Путинтай уулзалгын хажуугаар Оросой Холбоото Уласай Засагай газарай Түрүүлэгшын 1-дэхи орлогшо Денис Мантуровтай уулзаба. Нютаг можын үйлэдбэриин хүгжэлтын асуудалнуудай хажуугаар авиа-барилгын холын хараа бодолтой түсэлнүүд тухай тэдэ зүбшэн хэлсэбэ.

- Буряад Улас унаа тээбэриин парк эдэбхитэйгээр шэнэлнэ. Уласта 303 автобус, 17 трамвай абтаа. Мүнөө бидэ программа улам үргэдхэхэ хүсэлтэйбди, автобусуудые, трамвайнуудые нэмэжэ абахабди, - гэжэ Алексей Цыденов тэмдэглээ.
Уулзалга дээрэ Улаан-Үдын авиационно  завод хүгжөөлгын,  вертоледуудые бүтээлгын ба нютаг можодо үйлэдбэри хүгжөөлгын хараа бодолнууд харагдаа.

- Эдэ шэглэлнүүд уласай экономикодо шухала удха шанартай. Бидэ холбоото уласай дэмжэлгээр тэдэниие бэхижүүлхэбди, - гэжэ Буряадай Толгойлогшо дүн татаба.