418
Апрелиин 28, гарагай 2, буряад-монгол литээр шэнын 1.
Амгалан жаргалантай үлзытэ Дашаниматай үдэр абишиг (Ваан) хайрлахада, һайтар байгуулхада (рамнай үргэхэдэ) һайн.
Шэнын 1-дэ һанаһанаа бүтээхэдэ, худаг малтахада, замда гарахада, хубсаһа эсхэхэдэ, эд бараа, адуу мал худалдажа абахада, газар хахалхада, үрэһэ таряа тарихада, модо һуулгахада һайн.
Наһа барагшын хэрэг бүтээхые, адуу мал хүнгэлхые, нооһыень хайшалхые тэбшэхэ.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
“Айлшанай” үүдэн нээгдэнэ: айлшадые урихагүй.
Энэ үдэр харгыда гарахада, зүүн зүг руу муу, бэшэ зүгүүд руу һайн.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – наһан хорохо.
Апрелиин 29, гарагай 3, буряад-монгол литээр 2.
2-то айраг тараг бүрихэдэ, тушаалда дэбжүүлэгдэхэдэ, хуули тунхаглахада, дэгэл хубсаһа эсхэхэдэ, эмнэлгэ эхилхэдэ, эд бараа, адуу мал худалдажа абахада, газар хахалхада, үрэһэ таряа тарихада, пеэшэн табихада, бэриин хэрэгүүдтэ һайн.
Малай нооһо хайшалхагүй, адуу мал хүнгэлхэгүй (заһахагүй), наһа барагшын хэрэг бүтээхэгүй.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ һайн үдэр.
“Наймаанай” үүдэн нээгдэнэ: олзын хэрэг эрхилхэгүй.
Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр - һэргэг ябаха хэрэгтэй.
Үһэеэ абхуулхада – үбшэндэ, хэрүүл аманда.
Апрелиин 30, гарагай 4, буряад-монгол литээр 3.
Модон хохимой үдэр ехэ тушаалда томилогдохые, шэнэ ажалда орохые, сэрэг хүдэлгэхые тэбшэхэ.
3-да гал тахихада, айраг тараг бүрихэдэ, замда гарахада, дэгэл хубсаһа эсхэхэдэ, эд бараа, адуу мал худалдан абахада, гэр байра барихада һайн.
Бэриин үйлэнүүдые, худаг малтахые тэбшэхэ.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
“Хүбүүнэй” үүдэн нээгдэнэ: хүүгэдэй шухала үйлэ бүтээхэгүй, түрэһэн үдэр тэмдэглэхэгүй, гэрһээ холо эльгээхэгүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.
Хулгана, гахай жэлтэнэй һайн гараг; үхэр, луу, нохой жэл тэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – баялигта.
Майн 1, гарагай 5, буряад-монгол литээр 4.
4-дэ аралжаа наймаа ябуулхада, модоор уран дарха хэхэдэ, адуу мал гаргахада, бэриин үйлэнүүдтэ һайн. Дэгэл хубсаһа эсхэхые, адуу мал хүнгэлхые тэбшэхэ.
Амгалан тайбанай, хүүгэдэй хэшэг даллага абахада; тахяа, үхэр, могой жэлтэй хүнүүдтэ хии мориёо хиидхэхэдэ һайн.
“Сэрэгэй” үүдэн нээгдэнэ: сэрэг хүдэлгэхэгүй. Энэ үдэр харгыда гарахада, баруун зүг руу муу, бэшэ тээ шэ зүглэхэдэ һайн.
Бар, туулай жэлтэнэй урагшатай үдэр, харин тахяа, би шэн жэлтэнэй буян үйлэдэхэдэ һайн. Үхэр, луу, хонин, но хой жэлтэн һэргэг ябахые оролдохо.
Үһэеэ абхуулхада – зүһэ шарай һайжарха.
Майн 2, гарагай 6, буряад-монгол литээр 5.
5-да замда гарахада, адуу мал хүнгэлхэдэ, нооһыень хайшалхада һайн. Модоор урлаха хэрэгүүдые, дэгэл хубсаһа эсхэхые, нүүхые, наһа барагшын үйлэнүүдые тэбшэхэ.
Амгалан тайбанай, хониной хэшэг даллага абахада һайн.
“Түрэлнүүдэй” үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Хонин, тахяа, бишэн жэлтэнэй урагшатай, һайн үдэр; мо рин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – баялигта.
Майн 3, гарагай 7, буряад-монгол литээр 6.
6-да адуу мал хүнгэлхэдэ, һургахада, газар хахалхада, таряа ногоо тарихада һайн. Дэгэл хубсаһа эсхэхые, аралжаа наймаа ябуулхые, адуу мал худалдан абахые, худалдахые, нооһо хайшалхые тэбшэхэ.
Амгалан тайбанай, таряа талханай хэшэг даллага абахада һайн.
Бар, морин, нохой жэлтэй хүнүүдтэ хии мориёо хиидхэхэдэ һайн.
“Хэрэмэй” үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр - һэргэг байха хэрэгтэй.
Үһэеэ абхуулхада – шэг шарай муудаха.
Майн 4, гарагай 1, буряад-монгол литээр 7.
7-до газар уһанай үйлэнүүдтэ, гэр бараа барихада, газар хахалхада, таряа ногоо тарихада, наһа барагшын үйлэнүүдые эмхидхэхэдэ һайн. Дэгэл хубсаһа эсхэхые, бэриин үйлэнүүдые үнгэргэхые, эд бараа, адуу мал худалдан абахые, хүнгэлхые, нооһыень хиргахые тэбшэхэ.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
“Бэриин” үүдэн нээгдэнэ: хурим түрэ наадахагүй.
Энэ үдэр харгыда гарахада, зүүн зүг руу муу, бэшэ тээшэ һайн.
Луу жэлтэнэй урагшатай, һайн гараг.
Үһэеэ абхуулхада – хэрүүл аманда, заргада.
Жаргал лама ДУГДАНОВ бэлдэбэ
Фото: Анна Огородник
