​Буряад Уласай Мухар-Шэбэрэй аймагай ажаһуугшад лётчик-космонавт Сергей Волковтой уулзаа

Буряад Уласай Мухар-Шэбэрэй аймагай Сагаан-Нуур һууринай ажаһуугшад соёлой хүгжэлтын түбтэ лётчик-космонавт Сергей Волковтой уулзаа. Асуудал-харюу гэһэн маягаар уулзалга үнгэргэгдэһэн байна. Хэмжээ ябуулгада 140 хүн хабаадаа гээд хэлэлтэй.

Үхибүүд лётчик-космонавт Сергей Волковто асуудалнуудые табижа, дэлгэрэнгы харюунуудые абаа. Тиихэдэ Сергей Александрович космонавтнуудай ажабайдалтай хэмжээ ябуулгада хабаадагшадые танилсуулаа.

“Түгнын уурхай” бүлгэмэй ашаар энэ уулзалга эмхидхэгдээ.