​Улаан-Үдэдэ «Дальневосточный квартал» түсэлэй бэелүүлгын талаар Буряадай Толгойлогшо зүбшэбэ

«Дальневосточный квартал» гэһэн түсэлэй хэмжээндэ Улаан-Үдын түбтэ барилга хэгдэхэ. Энэ асуудалаар Буряадай Толгойлогшо Алексей Цыденов Алас Дурна болон Арктика хүгжөөлгын талаар сайдай нэгэдэхи орлогшо Гаджимагомед Гусейнов болон «Группа компаний ПИК» бүлгэмэй вице-президент Алексей Алмазовтай уулзаа.

2021 года оной июнь һарада Буряад Уласай Засагай газар «Группа компаний ПИК» бүлгэмтэй Улаан-Үдын түб һэльбэн шэнэлхэ түсэл бэелүүлгын харгын карта абаһан байна.

Советскэ, Смолинай, Банзаровай, Свободы гудамжануудай хилээр хотын түб талмайда «Дальневосточный квартал» түсэл бэелүүлэгдэхэ.

Энэ хараалагдаһан талмай 18 гектар болоно. Мүнөө эндэ соёлой үбэ баялигай арбан объект, үмхирһэн, аюултай болоһон хэдэн гэрнүүд байна. Саашадаа 150 мянган дүрбэлжэн метрэй гэр байра, хүүгэдэй сэсэрлигүүд, һургуулинууд, олониитын дэбисхэр болон парковканууд баригдаха гэжэ түсэблэгдэнэ. «Байгал» театрай болон Үндэһэтэнэй музейн байшангууд эндэ байха гэжэ хараалагдана. Улаан-Үдын түүхэтэ газарай шэнэдхэлгын механизм хадаа гэр байрануудай комплексно хүгжэлтэ болоно.