980
Энэ түб 2021 ондо уласай грантда хүртэһэн байна. Байгал шадархи нютагуудта үлтэнэг ногоо ургуулжа үйлэдбэрилхэдэ, ехэ тааруу гэжэ эрдэмтэд тоолоно.
-2020 ондо Буряадай Хүдөө ажахын академиин багшанар түрүүшынгээ туршалга хэжэ, үлтэнэг ногоо тарижа үзэһэн байна. Үлтэнэг ногооной тоһониинь ехэ эм домтой, элдэб хэрэгсэлнүүдые бүтээхэдэ хэрэгтэйл даа, - гэжэ БГСХА – гай ректор Бэлигто Цыбиков хэлэнэ.
Буряадтамнай гансал хүнэй ашаар үлтэнэг ногоон таригдадаг юм байна. Олзын хэрэг эрхилэгшэ Тамир Шагдаров хэжэ байһан ажал тухайгаа иигэжэ хөөрэнэ:
-Бидэнэй тарижа байһан үлтэнэг ногоон хара тамхинай ямаршье зүйл үгы. Тэрэниие үйлэдбэрилхэдэ, оройдоо юушье үлэдэггүй. Бажуугдаһан үрмэдэһыень үхэр малдаа эдюулхэдэ болохо. Хэдэн жэлээрээ үмхирхэгүй хуйха амһартануудһаа арсажа, үлтэнэг ногоогоор юумэ бүтээхэ гэжэ оролдохо хэрэгтэй.
Фото: егов бурятия
