Алас холоһоо-амаршалганууд

- Гэртээ “Буряад үнэн” иража уншадагби. Зарим дугаарнуудыень Япон руугаа асардаг ха юмбиб. Нютагһаа холо ажаһуудаг намда түрэһэн гуламтыем һануулаад, зосоом аятай зохид болоодхидог. Хүн бүхэндэ эгээл нангин ойлгосонууд - эжы, эхэһээ дамжуулагдаһан хэлэн, эхэ нютаг...

 “Буряад үнэндэ” мүнөө алба хэжэ байһан зониие энэ ехэ һайндэрөөр амаршалнаб. Хэдэн үе зоной бэлдэһэн, уншаһан үнэтэ хэблэл гээшэ. Зуу хүрэжэ байһан үндэһэн сонинтой байһандаа бидэ, буряад арад, бахархаха ёһотойбди. Би бахарханаб!