Аарса бэлдэжэ һураба

Энэ уряаень нютагай зон олоороо дэмжэбэ. Хурамхаанай дасанай Аюша ламын зорюута бэлдэжэ эльгээһэн “Аарсын аша туһа тухай” гэһэн сэдэбээр аудиолекци сугларагшад түрүүн шагнаа. Удаань нютагай хүгшэд Маргарита Бухаева, Галина Маланова, Ногоолой Будаева гэгшэд гарай сепаратор, тэбтээр, шубуунха гэрһээ асаржа, хүүгэдтэ харуулба. Эндэ сугларагшад “шүлһэнэйнгөө гоожотор” аарса тухай миин хөөрэлдөөд тараагүй. Нютагай фермер Жаргал Будаев бэлэн аарса эльгээһэн байгаа. Тэрэ аарсыень хүгшэд халааха болобо. Халааһан аарсаяа амталха болоходоо, хүгшэдэй сүүмхэ сооһоо амтатай халааша, боово, зөөхэй гараба. Хүүгэд аарсын амта үндэрөөр сэгнэбэ. Аарсада садаһан нютагаархид буряадхан аялгаа зэдэлүүлжэ, наада зугаа дэлгэжэ, хүдөөгэй юрын нэгэ үдэрые баяр баясхалангай оршондо үнгэргэбэ.