555
- Элүүрые хамгаалгын эхин шатын эмнэлгэ хүгжөөлгын тусхай программын ашаар улас дотор олон барилганууд хэгдэнэ. Энэ хэрэгтэ мүнгэн һомологдоно. Хориин аймагай түб эмнэлгын газарай аргашадта хандаһан зондо, эндэ хүдэлжэ байһан эмшэдтэ тааруу зохид байдал түхеэрэгдэбэ ха юм. Шэнэ оньһото хэрэгсэлнүүд эхин шатын зүб диагноз табиха хэрэгтэнь туһа болоно, - гэжэ Буряад Уласай элүүрые хамгаалгын сайд Евгения Лудупова хэлэбэ.
Россиин габьяата эмшэн Гатап Самбатов 1974 онһоо тус эмнэлгын газарта хүдэлжэ эхилээ һэн. Наһанайнгаа амаралтада гаратараа эндээ ажаллаа.
Байшамнай үнэхөөрөөшье хуушараад байгаа. Мүнөө байшанаа хараад, дахин ажаллаха дурамни хүрэбэ. Операци хэхэ таһалгын хубилалта ехэ һайшаабаб. Урид тэндэнь халуун байгша һэн. Мүнөө операциин һүүлээр бэеэ уһаар зайлаад гараха арга зохёогдоо. Залуу эмшэднай бүри һайнаар, шанартайгаар зоноо аргалдаг болохол байха”, - гээд, Гатап Самбатов баяраараа хубаалдаба.
Автор: Эрдэни РАДНАЕВ
Фото: buryatiaofficial
