Үмсын номой сан

Номой сангай жаса эдэ басагад өөһэдынгөө гэр бүлын суглуулбариһаа бүридхэбэ. Үмсын номой сантай хамта «Калашников» гэжэ нэрэтэй ном худалдадаг дэлгүүр оршоно. Басагадай байгуулһан “Ex libris” гэжэ нэрэтэй номой санда гансал мүнөө үеын номуудые олохо аргатайт. Иимэ номуудые ондоо газарта олохонь бэрхэтэйхэн байха гэжэ хэлэмээр. - Бидэнэй номой санда хүн бүхэн һонирхоһон юумэеэ олохо. Уран һайханай зохёолнуудһаа эхилээд, мэргэжэлээ дээшэлүүлхэ талаар номууд байха. Худалдаа наймаа эрхилхэ заабаритай, үгышье һаа, хүүгэдые яажа зүбөөр хүмүүжүүлхэб гэһэн удхатай олон номууд дурадхагдана, - гэжэ номой сан байгуулһан басагад хэлэнэ. Эндэ гансал ном абаха, уншаха бэшэ, харин элдэб олон хэмжээ ябуулгануудые үнгэргэжэ байхаар түсэблэгдэнэ. Шэнээр байгуулагдаһан “Ex libris” номой сан хүрэхэ гэбэл, Интернедтэ тэдэнэй хуудаһанда орожо, хүдэлхэ сагай хубаари, гуримыень мэдэхэдэ болоно. Һарын туршада уншалгын үнэмшэлгэ абаха гэбэлтнай, 300 түхэригтэ болохо.