Зайн гал таһалдахаяа болихо

Январиин 6-да Алексей Цыденов, Улаан-Үдын мэр Игорь Шутенков болон зайн галаар хангадаг эмхиин түлөөлэгшэд гомдол баригша эрхэтэдэй гэрнүүдтэй холбоотой элшэ хүсэнэй подстанци ошожо хараа, ажаһуугшадай асуудалнуудта харюусаа. Залесная үйлсын подстанци аяар 1968 ондо тодхогдоһон юм, мүнөө хуушараа, шэнэлхэ саг ерээ гээд ойлгосотой. Буряадай Толгойлогшо подстанциин хэрэгсэлнүүдые һэлгэхэ, Мелькомбинадай ажаһуугшадые зайн галаар хангалга тухай мэдээсэжэ байхаар колл-центр байгуулха даабари хабаатай албануудта үгөө.  Мүнөө ажаһуугшад зайн галай асуудалнуудаар аяар Красноярскда байдаг офисто хонходоно ха юм. –

  -Январиин 10-да подстанциин трансформатор болон рубильнигуудые һэлгэхэ тухай бидэ хэлсээбди,- гэжэ Алексей Цыденов тэмдэглээ. 

Тэрэнэй хэлэһээр, ерэхэ жэл зайн галаар хангадаг хэрэгсэлнүүдые заһабарилгын ажалнууд эхилхэ юм.