Сагаалганай мэндэ

Буурай сагаан Эхэ орон, дайдадамнай,

Булган туургата Буряад - Монгол арадтамнай

Буурал холоһоо элинсэгэй туг хиидхүүлһээр,

Буян хэшэгтэй Сагаан һарамнай морилбо.

 

Элшэ гэрэлээр наран дэлхэйгээ эльбэһээр,

Энгэр дулаахан ошо туяагаа сасаргаһаар,

Элдин нютагта шэнэ жэлээ сахилзуулһаар,

Элбэг баян энхэ тайбаниие асарба.

 

Агуу дэлхэйн анхаран хамгаалдаг Сахюусадтаа

Аяга сайгаа, сагаан эдеэгээ үргэе.

Аха захатан, аба эжыгээ хүндэлжэ,

Альган дээрээ алда хадагаар золгоё.

 

Сарюун үдэрэй һайхан үреэл хэлсэжэ,

Сагаан һарын бэлэг адиста хүртэе!

Сагаан һаруул үдэр бүридэ этигэжэ,

Салуу үргэн Буряад орондоо жаргая!