Яхадай нохойнуудые Улаа-Үдэ руу оруулха гү?

Мүнөө нэгэ можоһоо нүгөө можо хүрэтэр амитадые асарха хуулита дансанууд шалгагдана. Һануулан хэлэбэл, энээн тухай мэдээсэл январь һарада дуулгагдаа һэн. Амитадые хамгаалагшадай энэ ааша ябадалда хотын зон ехэтэ гомдолоо мэдүүлээ бэлэй. Яхадта эдэ нохойнууд алуулха байгаа, тиихэдэнь Улаан-Үдын амитадые хамгаалагшад наашань асарха гэжэ шиидээ. Тэдэнэй хэлэһээр, Буряадта тэдэ нохойнуудые удаан байлгахагүй. Ондоо можо хизаарнуудаар эзэд олдожо байна гэжэ хэлээ. Үлэн хооһон нохойнууд хайратай юм ааб даа. Харин нохойдо хазуулһан хүнүүд, имагтал багахан үхибүүд бүри хайратай. Хүниие гү, али нохойнуудые шэлэхэ гүбди? Олон хотонуудаар һүүлэй сагта нохойнуудай хүнүүдтэ добтолхо ушарнууд олон боложол байна.