Наһа бараһан хүнэй хармаанһаа хулууба

Тиихэдэнь тэрэ түргэн дары сагдаанарта мэдүүлгэ бариһан байна. Удаан болонгүй, халуун мүрөөрөө тэдэ хулгайшад баригдаа.    

Мэдүүлгэ бариһан эхэнэрэй нүхэрые Улаан-Үдын нэгэ эмнэлгын газарта асарһан байгаа. Тэрэл үедэ үбшэнтэнэй нэгэ нютагай һогтуу эрэ хүниие эмшэд мүн лэ тиишэнь асарба.  Хүлеэн абадаг таһалгада тэрэ ама халамгай хүн нютагайнгаа хүнэй дэгэл обёоржорхибо. Тэрэ дэгэлыень харамсаараа, аһа-аа, энээнэй хармаанда лаб мүнгэн байха, тэрэнииень хулууха байна гэжэ тэрэ дороо хулгайшан шиидэбэ. Үтэр түргэн хармаангыень оборгоходонь, гансал банкын карточка байба. Мүнгэнэй үгыдэнь карточкыень өөрынгөө хармаанда тэрэ хэжэрхибэ. Удаань хулгайшан эмшэдтэ үзүүлээд, бэеынгээ һайн байхадань, гэртээ табюулаа. Газаа гарамсаараа, үнөөхи хулгайшамнай танил хүнтэйгөө уулзаад, тэрээндээ олоһон олзо тухайгаа хөөрэбэ.

Тэрэ хоёрой хүнэй мүнгөөр архи, тамхи худалдажа абаад, үшөө кафе орожо, эдеэлжэ ябаха үедэнь мүнгэнэй эзэниинь хада гэртээ харишаһан байбал даа.

• Мэдүүлгэ ороһоной удаа түргэн дары хулгайшад баригдаа. Мүнөө мүрдэлгын ажал ябуулагдажа байна, - гээд, МВД-гэй мэдээсэлэй албан дуулгана.

Хуули хазагайруулһан хоёр хэһэн зэмэеэ мэдэрээ, нютагайнгаа хүнэй наһа бараһан тухайнь  дуулаагүй байгаа.