Бэеэ һула табиха хэрэггүй

Мүнөө тэдэнэр үбшэн зониие аргалуулжа хүл дээрэнь бодхоохо хүсэлэнтэй. Жэшээнь, зүүн зүгэй эмшэлгын түб соо уласай 180 хүн аргалуулагдажа байна.

Зүүн зүгэй эмнэлгын түб ковидна  госпиталь болоhоор 2 долоон хоног үнгэрбэ. Сүүдхын туршада 1500-hаа дээшэ зоной үбдэжэ эхилхэдэ, тус госпиталь дахин нээгдээ юм. Һануулан хэлэхэдэ, энэ түб түрүүшынхиеэ бэшэ ковидна госпиталь болонхой. Үбшэнтэниие 80 мэргэжэлтэн эмшэлнэ: врачууд, медсестра болон санитарнууд. Юрын эмшэлгын аргаhаа гадуур, зүүн зүгэй арга хэрэглэгдэнэ.

Энээнhээ гадуур  үбшэнтэн бүхэн амилха гимнастика хэнэ. Эмшэнэй  харуулжа hургаhанай удаа, тэдэнэр өөhэдөө хэнэ. Эмшэдэй тэмдэглэhээр, коронавирусhаа hэргылэмжын тарилга абаhан зон хүнгөөр үбдэнэ ха.  Тиимэhээ, мүнөө үедэ  энэ шухала хэрэг болонхой гэжэ тэмдэглэлтэй.