Хэлсээн хэрэгтэй гү?

Аймагай 103 хүн тус программада оролсожо, тэдэнэй 26-иинь “ажал бэдэрнэб” гэһэн сэдэбээр хабаадаа. Тэрээндэнь 1 сая түхэриг үгтэһэн байна. Хүшэр хүндэ байдал дабаха талаар 2 сая гаргашалагдаа. Хубиин ажахы хүгжөөхэ хэрэгтэ 1,3 сая шэглүүлэгдээ. Энээн тухай Хяагтын аймагай хүн зониие социальна хамгаалгын таһагай дарга Ирина Сафронова дуулгаа. Мүн тиихэдэ 2021 ондо социальна хэлсээнэй ашаар Хяагтын аймагай 17 хүн хубиин хэрэг эрхилжэ эхилээ. Тэрэ һалбаридань 4,3 сая түхэриг үгтэһэн байха юм. Тэдэнэй ехэнхинь арад зондо хангалта үзүүлхэ талаар хэрэгүүдые эхилээ. Юрэдөө, социальна хэлсээн ехэ үрэ дүнтэй байба.