Ялас гэмэ илалта

- Одоошье һанаһан хэрэгни бүтэбэ, шүүхэб гэжэ ухаандаашье оруулаагүйб. Хабаадаал һаамни болоо гэжэ һанажа байгаад, нааданда ерээ һэм. Харин мүнөө шүүжэрхёод байхадаа, үнэншэнэгүйб. Түрүүшынхиеэ иимэ нааданда оролсоһон хадаа бэемни ехэ хүлгөөтэй байгаа, – гэжэ Григорий хубаалдаа.

Григорий Ердомаев дүршэлтэй наадаашадаар урилдаа. Санкт-Петербургын Евгений Караваев залуушье һаа, 20 дахин нааданда хабаадаһан байба. Москвич Владимир Цвингли 10 нааданай гурбыень шүүһэн юм. «Своя игра» гэһэн наада Григорий 1995 онһоо харадаг, тиимэһээ хэзээ нэгэтэ ошожол, бэеэ туршахаб гэжэ бододог байгаа. 2011 онһоо хойшо нааданда оролсохо мэдүүлгэ эльгээ[1]жэл байгаа. 2020 ондо шэлэн абалгын шатада урилга ерэһэн байна. Үнэхөөрөөшье, наада хаража байхада, хүшэр асуудалнуудта манай Григорий ялас гэмээр харюусаа. Гурбадахи шатада Евгений Караваев Григорий хоёр адли оноотой байгаа. Харин Владимир Цвингли саашадаа бираагүй. Һүүлшын, 4-дэхи шатада Григорий зүб харюу үгэжэ шадаа.

 - Буряадта түрэһэн, үдэһэн хадаа Далай багшын хэлэһэн үгэнүүдые мэдэхэ байгааб, харюу бэшэхэдээ, нэгэшье бодолгото болоогүйб, – гэжэ Григорий хэлээ