Урилдаанда хабаадахыень урина

Буряад орондо урилдаанай региональна шата аймагуудһаа эхи абаха. Шэлэн абалгын шата 2022 оной мартын 21-һээ апрелиин 22 болотор эмхидхэгдэхэ. Уласай хэмжээндэ мүрысөөн 2022 оной апрелиин 25-һаа майн 6 болотор болохоор хараалагдана. «Хүдөөгэй гэр бүлэ», «Залуу гэр бүлэ», «Гэр бүлэ – заншалнуудые сахигша», «Олон үхибүүдтэй гэр бүлэ», «Алтан гэр бүлэ» гэһэн номинацинуу[1]даар урилдаан үнгэрхэ юм. Региональна шатын илагшад Бүхэроссиин хэмжээндэ болохо хоёрдохи шатада хабаадаха.

- Зургаан жэлэй хугасаада үнгэргэгдэжэ байһан энэ урилдаан муниципальна, региональна болон федеральна хэмжээндэ олон гэр бүлэнүүдые хабаадуулһан үнэхөөр үргэн ехэшье, олониитын ёһотойл һайн хэмжээ ябуулга болоо. Буряад Уласай гэр бүлэнүүд энэ урилдаанда жэл бүхэндэ хабаададаг. Тиигэжэ 2016 ондо Жамбалдоржиевтанай гэр бүлэ (Хориин аймагай) «Хүдөөгэй гэр бүлэ» номинацида, 2017 ондо Дамбаевтанай бүлэ (Ивалгын аймаг) «Гэр бүлэ – заншалнуудые сахигша» номинацида, 2018 ондо Улаан-Үдын Власовтанай бүлэ «Залуу гэр бүлэ» номинацида илажа гараа һэн. Мүн баһа илагшадай тоодо - Захааминай аймагай Хазагаевтанай, Сэлэнгын аймагай Баторовтанай гэр бүлэнүүд. Үнгэрһэн жэлдэ Северобайкальскын Лисинтэнэй гэр бүлэ илалта туйлаа һэн. Тэдэ бултадаа «Жэлэй гэр бүлэ» гэжэ Хүндэлэлэй номуудта оруулагдаа. Номуудые Ажабайдалай хүндэ байдалда ороһон үхибүүдэй жаса хэб[1]лэжэ гаргаа, - гэжэ Буряадай ниигэмые хамгаалгын сайд Татьяна Быкова һануулаа.

Тиин тус мүрысөөндэ хабаадалга тухай дэлгэрэнгы мэдээсэл 21-30-77 утаһаар абажа болохо гэжэ тэрэ тэмдэглээ.