Үльгэрэй орон

Түүхэтэ мэдээнүүд

 

Түрүүн Ордоной хүүргэ тамардаг хэрэгсэл байгаа, уһан дээхэнүүр татагдаатай һэн. 1882 ондо олон эмхи зургаанууд болон уһанай эрьеэр ажаһуугшад ноёд сайдта шэнэ хүүргэ барихыень дурадхал оруулаа. Оройдоол 20-дохи зуун жэлэй эхиндэ барилга тухай хөөрэлдөөн болоо. Ганса Ород гүрэнэй ажаһуугшадай хүсөөр, өөрын хэрэгсэлнүүдээр хүүргэ баригдаха ёһотой байгаа. Барилгашад Ород гүрэнэй заншалта зодчествые хараадаа абаа. Аяар 10 жэлэй хугасаада хүүргэ бариха дуратайшуул бүхы талаһаань хаража, барилга ябуулха үйлэдбэри элирүүлээ. 1911 ондо Коломенскын заводтой хэлсээн одоошье баталагдаа. Хүүргын нээлгын баяр ёһолол 1916 ондо болоһон байна. 1917 оной хубисхалай һүүлээр бүхы ажалнууд түгэсөө.

 

Заһабарилга

Ордоной хүүргэ нэгэтэ бэшэ заһабарилагдаа. Модон түшэлгэ барюулнууд чугун түмэрөөр 1939 ондо хэгдээ. Тэндэнь совет үеын һүлдэ тэмдэгүүд шудхагдаа. СССР-эй герб, тугууд, табан хушуутай одон, шэниисын залаа эшэнүүд гэхэ мэтэ зүйлнүүд хүүргые шэмэглээ.

1967 ондо хүүргэ капитальнаар заһабарилагдаа, үшөө арбан жэл болоод, харгын хушалта һэлгэгдээ, дээшэнь үргэдэг зүйлнүүд шэнэлэгдээ. Зайн галай хэрэгсэлнүүд заһабарилагдаа. 1997 ондо хүүргэдэ  һүниин гэрэлтүүлгэ хэгдээ. 2013 ондо хүүргэ дээрэ заһабарилгын үедэ авто-унаагай ябалга замхагдаагүй юм.

 

Онсо зүйлнүүд

Табан тулгаһаа Ордоной хүүргэ бүридхэгдэнхэй. Тэдэ бэе бэетэеэ түмэр шарнирнуудаар залгаатай. Дундахи тулгуурнуудынь гурбан аршин хэмжээнэй аркатай юм. Хүнэй ябаган харгы бетоноор шудхагданхай, доронь түмэр хушалтатай. 

Хүүргэ дээрэ 16 зайн галай бахана һуулгагданхай. Хүүргэһээ уһанай эрье уруу бууһан газарта хүсэтэй барай дүрэнүүд олониие гайхуулдаг.

 

Үргэгдэн хубааралга

Хүүргэ бодхоохо, буулгаха хэрэгсэлнүүд хэдэн моторнуудһаа, томо шүдэнүүдтэй шестерняһаа бүридэнэ. Хэрэгсэл олон жэлэй хугасаа соо эбдэрэнгүй хүдэлхэ аргатай. 2002 ондо шестернягай нэгэ шүдэниинь хухаржа, хүүргэ хэдэн үдэрөөр бодхоогдохоёо болёо һэн. 2008 ондо  хэрэгсэл шэнэлэгдэхэ байгаад, шэнэ хүүргэ баригдатар болюулагдаа. 

Ордоной хүүргэ сүүдхэ соо хоёр дахин үргэгдэн хубаардаг. 01 час 25 минутаһаа 02 час 50 минута болотор, 03 час 10 минутаһаа 04 час 55 минута болотор үргөөтэй байдаг.

 

Аяншалагшадай дуратай газар

Хүүргэ дээгүүр мянгаад аяншалагшад гарана. Суутай Эрмитажай болон Петропавловска хэрэмэй дэргэдэ зураг буулгуулха дуратайшуул эндэ олоор ябана. «Адмиралтейская», «Невский проспект», «Василеостровская» гэһэн метрогой буудалнуудта гаража, Ордоной хүүргэ руу хүн зон хүрэдэг.

Аяншалагшад һүниндөө эндэ олоор суглардаг заншалтай. Юуб гэхэдэ, хүүргын бодхоогдохые харахада, гоё байдаг. Гоёор гэрэлтүүлэгдэһэнһээ боложо,  хүүргэ холоһоо һайнаар харагдадаг.

 

Ехэ һайндэрнүүдэй үедэ хүүргын тон дээрэхи һалаанууд экран болодог. Түүхэтэ хүшөөнүүдэй бүридэлдэ оруулагданхай.

 

https://architectureguru.ru/dvorcovyj-most/ сайтһаа мэдээсэл абтаа.