592
- Мүнөө сагта гүрэн түрэ соогоо аяншалга хүгжөөхэ ажал ябуулжа байнабди. Бидэндэ энэ тон хэрэгтэй, үрэ дүнтэй байха. Буряадай Засагай газар аяншалгын һалбарида хабаатай олзын хэрэг эрхилэгшэдтэ туһаламжа үзүүлхэ мүнгэ түсэблэнхэй. Энэ жэл 15,1 сая түхэриг үгтэхэ. Грантнуудые бэшэжэ эрхимлэһэн зон тэрэ мүнгэнһөө хүртэхэ. Жэлэй эхинһээ 11 хүн грант бэшээд, мүнгэ абаха болоо. Аяншалагшадай амарха дуратай газарнуудые болбосон түхэлтэй болгохо хэрэгтэ нэгэ хэды мүнгэ үгэхэбди. Мүнөө аймагуудһаа захяанууд суглуулагдажа байна. Тэрэ хэрэгтэ 40 сая түхэриг хараалагданхай. Түргэн саг соо бодхоогдодог зохид буудалнуудые бариха хэрэгтэ Россиин Засагай газар саг соонь мүнгэ һомолхо гэжэ шиидхэбэри абаа. Модульно зохид буудалнууд манай уларилда тааруу байха, юундэб гэхэдэ, аймагуудаар тиимэ аргаар эмнэлгын байранууд баригдажа, үбэлэй сагта тэндэнь дулаан байна ха юм даа, – гэжэ Буряад Уласай Толгойлогшо Алексей Цыденов хэлээ. Буряад оромнай үргэн, айлшадые гайхуулха һайхан газарнууд олон. Тиимэһээ зохид буудалнууд хэрэгтэй.
Автор: Эрдэни РАДНАЕВ
