Архи хоригдобо

Үнгэрэгшэ жэлэй эсэстэ Захааминай аймагай Һунгамалнуудай зүблэл Буряад Уласай хуулида һэлгэлтэнүүдые оруулха тухай дурадхалтай   Арадай Хуралда хандаһан  байна. Тиин Буряадай  Хуулиин 5-дахи статьяда олоной дуугаар һэлгэлтэнүүд оруулагдаба. Онсо тэмдэглэхэ зүйл гэхэдэ, Захааминай аймагай һууринуудай ажаһуугшад өөһэдөө энээн тухай гуйһан байна.
Утаата, Далахай  һууринууд аймагай түб хотоһоо 100 км холо байдаг юм, Улаан-Үдэһөө эдэ һууринууд хүрэтэр 500 км зайтай. Мүнөө Утаатада 306, Далахайда 209 хүн ажаһууна. Һануулхада, Буряадай дэбисхэр дээрэ оршодог зарим һууринуудта архи худалдахаяа болиһоор үнинэй. Теэд энэ асуудал  ажаһуугшадай суглаан дээрэ  харагдажа, тусхай шиидхэбэринүүд абтаһан байна.