Манай сэдьхэлдэ - хэтэдээ мүнхэ

Хуби заяанай эрхэ байдалаар оройдоол гүлмэрхэн 20 наһандаа хүндэ үбшэндэ дайрагдажа, эрэмдэг бэетэй болоһон юм. Бидэ Эрженатэй Д. Банзаровай нэрэмжэтэ Багшанарай дээдэ һургуулида түүхын болон хэлэ бэшэгэй факультедтэ 5 жэлэй хугасаада һураһан байнабди. Хэды хүндэ хүшэр байдалда оробошье, тэрэ һүр һүлдэеэ алдаагүй, бэрхэшээлнүүдтээ дарагдаад, гэртээ һуугаагүй. Ухааниинь һонор, бүхы юумэ уридшалан хараад, тэрэнээ бэелүүлдэг шадабаритай байгаа. Оюутан боложо, 1-дэхи курсда ерэхэдэмнай, абаһаар бидэнээ дахуулаад, олон хэмжээ ябуулгануудта, харалгануудта хабаадахыемнай уряалдаг һэн.

Бимба Гомбоев Алдар хүбүүнтэйнь

Буряадай дээдэ һургуулиин оюутадһаа бүридэһэн хоёр бүлэг холын Камчаткада студотрядта ошоо һэмди. Нэгэ бүлэгэйнь командираар намайе томилһон юм. Бүлэгэйнгөө бүридэлдэ афган дайнда баатарай үхэлөөр унаһан хоёр сэрэгшэдэй нэрэнүүдые оруулха ёһотой байгаабди. Харин би энэ дурадхалайнь урдаһаа өөрынгөө һанамжа комсомолой обкомдо оруулбаб.

• Амиды хүниие хүндэтэ гэшүүнээр абахада болохо гү? - гэбэб.
• Хэн тиимэ баатаршалга гаргаһан амиды хүн байнаб? - гэжэ урдаһаамни обкомойхид асууба.

Тиихэдэнь сугтаа һурадаг Эржена Будаевагай нэрэ дурадхахадамни зүбшөөһэн юм. Тэрэ гэһээр, Эржена олониитын ажалда хам орожо, Буряадай эрэмдэг бэетэй зоной эрхэ хамгаалжа, амаргүй ехэ ажал хэһэн гэжэ бултанда мэдээжэ.

Мүнөө тэрэнэй нэрэ зүүжэ байһан эрэмдэг бэетэйшүүлэй тусхай гэр барюулһаниинь олон жэлэй туршада эсэшэ сусашагүйгөөр ажаллаһанайнь үрэ дүн юм. Энэ наһандаа эхэнэр хүнэй эдлэхэ жаргал эжы боложо, дүүрэн эдлээ даа. Бидэнэй байгаа сагта манай хүндэтэ нүхэр манай сэдьхэлдэ хэтын хэтэдэ мүнхэ байхал!

Бимба Гомбоев, МВД-гэй ветеран.