​Ехэ сайн зам дээрэ

Байгаали оршолониие хамгаалгын акцида Селендумын hургуулиин, Новоселенгинскын интернадай hурагшад, хотоhоо ерэhэн аяншад: «Байкал Плаза», «Бурятия», «Улан-Удэ парк отель» гэhэн зочид буудалнуудай, «Тэнгис», «Бурятия», «Вояж» ресторануудай, «Оранж Хаус» амаралтын газарай, буряад хэлэнэй Амар мэндэ hургуулиин ажалшад, Сэлэнгын аймагай захиргаан, Чайный путь гэhэн ТОСой эдэбхитэд хабаадаа.

 Бүхы дээрээ 2 машина бог шорой суглуулагдажа, 150 модон hуулгагдаа. Ехэ сайн замаар 2 модо газар  ябагдажа, хизаар ороноо шэнжэлэгшэ – экскурсовод Михаил Лазарев Удунгын наймаашанай тракт тухай hонирхолтой хөөрөө дэлгэжэ, айлшад анхаралтайгаар шагнаа.

Буряад Уласай аяншалгын яаманай туhалбаряар энэ жэлдээ Сэргэтэй үүдэн табигдаха, хоёр мэдээсэлэй самбарнууд, хадын оройдо сайн набшаhанай түхэлөөр   ажаглалтын табсан бүтээгдэхэ, хажуудань hуудалнууд, бог шоройн урна табигдаха, Хасагай гэр баригдахаар түсэблэгдэнхэй. Энэнь байгша оной юhэ дугаар hарын hүүлээр нээгдэхэ.