622
Буряад Уласай Барилгын болон гэр байрын ажахы шэнэдхэлгын яаманай мэргэжэлтэдэй дуулгаһаар, мүнөө хуушан һургуули задалагдажа, һууриниинь шэнжэлэгдэжэ байна. Нарһата нютаг шэрүүн уларилтай байжа, газар дулаарахада доошоо ехээр гэдэдэггүй ушарһаа, дахинаа экспертиза хэгдэхэнь.
Барилгын түрүүшын алхамуудые 18 мэргэжэлтэд, 8 техникэ ябуулна. Һаядаа барилгашадай тоо 50 хүн болохо.
Шэнэ һургуулиин байшан зургаан хубиһаа бүридэхэ. Хамтадаа 6500 дүрбэлжэн метртэй байшан бодхоогдохо. Спортын, соёлой ехэ танхимууд, номой сан, хоол бариха газар – проектын ёһоор баригдаха. Газаа тамирай хэшээлнүүдые үнгэргэхэ ехэ талмай бэлдэгдэхэ, гурбан автоунаа багтааха гараж табигдаха.
Анханай һургуули 1970-аад ондо модоор баригдажа, ямаршье эрилтэдэ таарамжагүй, аюулта байдалтай болоһон байна.
Буряад Уласай Барилгын болон гэр байрын ажахы шэнэдхэлгын сайд Никалой Рузавинай хэлэһээр:
Шэнэ һургуули нэн түрүүн һурагшадай һанаанда таарамжатай, зохид, гоё байха. Нарһата нютагай шэмэг болохо ёһотой".
«Хүдөө нютагуудай хүгжэлтэ» гэһэн гүрэнэй программаар энэ барилга эрхилэгдэжэ, хамтадаа 500 сая түхэриг һомологдоно. Барилга «Витим» гэһэн эмхин ябуулна.
Фото: egov-buryatia.ru/minstroy
