Эрхүү можоор ба Буряад ороноор аяншалагшадые монгол бахада гамтайгаар хандахыень уряална

Эрхүү можын ба Буряад ороной нуур сөөрэмүүдтэ хоморой эдэ амитадай шанага хорхойнууд бии болонхой. Монгол баханууд үгы болохо туйлдаа хүрэһэн газар уһанай амитад гэжэ Улаан номдо оруулагдаһан. Аяншалагшадай олоороо ябадаг болоһон сагһаа хойшо монгол баханууд үсөөржэ эхилһэн гэжэ эрдэмтэд тэмдэглэнэ.   
Баха гээшэ баялигай, элбэг дэлбэг амидаралай һүлдэ гэжэ буряад зон тоолодог юм. Таряа талханай һайн ургахада, тала нугаар табан хушуу малай олошорхо үедэ баханууд мүн лэ элбэг болодог. Сэлэнгын аймагта, Хяагтаһаа Улаан-Үдэ хүрэхэ зам дээрэ, дүрбэн Бандида Хамба ламанарай мүндэлһэн нютагта бахын хэлбэритэй байгаалиин хүшөө бии юм. Тэрэниие тойруулаад, дүрбэн субарга бодхоогдоһон. Нютагай зон тэндэ ерэжэ, эхэ зургаан зүйл, хамаг амитанай туһын тулада үргэл мүргэл үйлэдэдэг юм.