Амаршалга

Ниигэмэй ажалшан байха гээшэ бэлэн бэшэ. Энэ мэргэжэл шэлэһэн зон сэдьхэлэйнгээ бүхы ульһа дулаае хүндэ байдалда ороһон зондо бэлэглэн, тэдэнэй ажабайдал улам һайжаруулха гэжэ оролдодог. Үдэр бүриин анхарал, тэдхэмжэ доро байдаг зондо  бодото туһа, дэмжэлтэ танайл ашаар  үзүүлэгдэнэ.

Һүүлэй хэдэн жэлэй туршада ниигэмэй һалбарида шэнэ онол арганууд хэрэглэгдэхэһээ гадна шухала хэрэгсэлнүүдээр хангалта һайн болоо.  Ажаһуудалай талаар үзүүлэгдэдэг туһаламжын янзанууд үргэдхэгдэнэ, элдэб программанууд бэелүүлэгдэнэ. Эдэ бүгэдэ олон хүүгэдтэй гэр бүлэнүүдэй, үншэн хүүгэдэй, эрэмдэг бэетэй зоной болон үндэр наһатайшуулай ажабайдалай шанар дээшэлүүлнэ. Буряад Уласай Арадай Хуралай һунгамалнууд ажаһуугшадые хамгаалгын талаар хуули улам нарижуулха ажал саг үргэлжэ ябуулдаг.

 Мүнөөдэр Буряадта  3,5 мянган хүн ниигэмэй һалбарида хүдэлнэ. Танай тэсэбэри, һайхан сэдьхэл, хүн бүхэниие ойлгохо  шадабари, туһалха эрмэлзэл орёо байдалда ороһон хүниие далижуулна.

Мэргэжэлтэ һайндэрөөр амаршалаад, дэлгэр сагаан сэдьхэлтэй таанадтаа баяр хүргэнэбди.  Элүүр энхэ, зол жаргалтай, ажалдаа амжалтатай, амгалан тэнюун ажаһуухатнай болтогой!

 

Буряад Уласай Арадай Хуралай Түрүүлэгшэ                                                                                                        

 

В.А. ПАВЛОВ