400
Түрүүшын зүблөөн майн 31-дэ баярай оршон байдалда үнгэрөө. Номой сангай директор С.Л. Цыремпилова шэнэ түхэл маягтай болоhон номой сантай ерэгшэдые танилсуулаа. Наhатайшуул алишье талаараа иимэ гоё болоhон номой сан ехэтэ гоёшоогоо. Ажалай ветеран Г.Н. Цыбденова түрүүшын уулзалга нээжэ, клубай гол зорилгонуудые нэрлээ, ямар түхэлтэйгөөр хүдэлхэбибди гэжэ хэлэжэ үгөө. Клубай гэшүүд түрүүшынгээ уулзалгада эдэбхитэйгээр хабаадажа, өөhэдынгөө олон дурадхалнуудые оруулаа, түсэб табяа.
Аха тухай 40 гаран номой үзэсхэлэнтэй библиотекарь, клубые хүтэлэгшөөр hунгагдаhан Д.Р. Замбалова танилсуулба.
Уулзалга дээрэ манай нютагаймнай хүбүүн, арадай поэт Б.С. Дугаровай ород ба буряад хэлэн дээрэ шүлэгүүдые О.Ш. Дашеева, Г.Н. Цыбденова, Ц.Б. Базарова уран гоёор сээжээр хэлэбэ. Бавуудорж Баярма өөрынгөө тоонто Балагта тухай зохёоhон шүлэгөө уншажа, хүн зониие урмашуулба.
Түрүүшын уулзалга ехэ дулаан, эбтэй, хани барисаанай оршон байдалда үнгэрөө. Июниин hүүл багаар дахин уулзаха гэжэ сугларагшад хэлсэбэ.
О. Дашеева, сэдхүүлшэн
Фото: О.Дашеевагай дурадхаһан гэрэл зураг
