Үргэн харгыдаа гарахань

Байгша ондо түлбэригүй һууринууд яһала олон болоо.  Дунда һургуулияа түгэсхэһэн хүбүүд басагад сэдьхэлдээ тааруу мэргэжэлдэ һургадаг факультет шэлэн абажа, дансануудаа тушаажа эхилээ. Гүрэнэй шалгалтын дүнгүүд дээрэ Бүхэроссиин һурагшадай олимпиадануудта һууринуудые эзэлһэн, ГТО мүнгэн ба хүрэл медальнуудаар тушааһан үхибүүдтэ нэмэлтэ оноонууд нэмэгдэхэ юм. Гүрэнэй дээдэ һургуулинуудта түлбэригүйгөөр һураха арга боломжо олон залуушуулда мүнөө жэл үгтэхэ. Ушарынь гэхэдэ, энээн тухай тогтоол  Владимир Путин гаргаһан байна. Буряадта тиимэ һууринууд 15 хубяар ургаа.

“Энэ жэл 5,5 мянган һургуули түгэсхэгшэдэй 60 хубинь миинтэ һууринуудые абаха аргатай болобо”, – гэжэ Буряадай болбосоролой болон эрдэм ухаанай сайдай уялгануудые дүүргэгшэ Валерий Поздняков хэлээ.