​Ажалтай болохын тулада

2022 оной зургаан һарын дүнгөөр 800 гаран хүн шэнэ мэргэжэл шудалжа эхи­лэнхэй. Жэлэй дүүрэтэр үшөө 700 гаран хүн түсэлдэ оролсохо.

35 наһа хүрөөдүй залуушуул, сэрэгэй албанай гү, али дунда болон дээдэ һургуули дүүргээд, 4 һарын туршада ажал олоогүй хүнүүд энэ түсэлдэ хабаадаха аргатай. Заахан үхибүүтэй ажалгүй эжынэр, 50 наһатайһаа дээшэ аха захатан мүн лэ шэнэ мэргэжэл олохо аргатай. Энэ түсэлдэ хабаадаха гэбэл, “Работа России” гэһэн портал дээрэ мэдүүлгэ эльгээхэ хэрэгтэй. Дуратайшуул “Госуслуги” дээрэ өөрын хуудаһантай байха ёһотой. Нэгэ долоон хоногой туршада мэдүүлгэ харагдажа, 10 үдэрэй туршада һуралсалай болзор эли болодог байна.

Буряадай ажаһуугшадта һуралсал 80 гаран мэргэжэлээр эмхидхэгдэнэ.

- Һуралсал гараһан ажалгүй эрхэтэд өөрын хэрэг нээхэ аргатай. Мүн һайн ажалда ороно, - гэжэ Буряад Уласай түбэй захирал Александр Башкирцев мэдүүлнэ.