Ээлжээтэ туйлалта

Ростуризмын соносхоһон грант абахын түлөө конкурсдо манай гүрэнэй элдэб булангуудһаа 230 мэдүүлгэ ороһон байха юм. Буряад Уласһаа 3 шэглэлээр мэдүүлгэнүүд үгтэжэ, тэдэнь булта илагшадай тоодо оробо.

Түнхэнэй, Баргажанай, Хойто Байгалай болон Байгал шадарай аймагуудай газар дэбисхэр дээрэ аяншалгын, амаралтын талаар аятай байдал зохёохо хэрэгтэ 337 сая түхэриг шэглүүлэгдэхэ юм. 2023 онһоо тус ажалнууд эхилхэ. Энээн тухай Буряадай Толгойлогшо Алексей Цыденов  мэдээсэбэ.