Багшалхаяа ябаа

Социальна хуудаһан дээрээ «Хяагтаар ябажа байһан шэнги байгаа», - гээд, тэрэ хэлээ. Оксана Бухольцева Донецкын лицейдэ физикын багшаар ажалда ороо. Мүнөө сагта энэ тэрэ хэрэгтэй дансануудаа харуулжа байна. Тиишээ ошоһон харгы тухайгаа, хараһан, үзэһэнөө өөрын хуудаһан дээрэ хубаалдаа.

-Донецк хүрэтэр харгы манай Максимиха ошоһон харгыһаа муушаг, тиигэбэшье  тиимэ томо нүхэнүүд үгы. ДНР-эй дэбисхэр оромсоор, Хяагта соогуур ябажа байһан шэнги байгаа. Харгыдамнай сэрэгэй техникэ дайралдана. Зарим гэрнүүдэй сонхонуудта шэлэй орондо целлофан. Табан дабхартай гэр айхабтар муу байдалда оронхой, Шэнэ Бряниин табан дабхартай гэрнүүд шэнги һанагдаа. Байд  гээд лэ тэнгэри дуугарна гэжэ һанагдаа, харин тэнгэри бэшэ, холохоно бомбонууд тэһэрнэ гэжэ ойлгооб, - гэжэ депутат Оксана Васильевна хубаалдана.

- Тэрэ байдалда дадаха хэрэгтэй. Уһаниинь хоморой. Ууха уһанда ехэ гэгшын ээлжээн сугларна. Зохид буудалда ороходом, тэндэхи басагад: “Түргэн бэеэ угаагты, халуун уһа үгөө”, - гэжэ хэлэжэ байгаа. Юрэдөө тэндэхи зон байдалдаа даданги, “амиды хүн аргатай” гэжэ хэлэдэг гүб даа, - гээд, тэрэ нэмэнэ һэн.