554
© фото: Буряад Уласай засагай сайтһаа
-
Мүнөөдэр бидэ хоёрдохи бүхэдэлхэйн дайнай дүүрэһэн үдэр тэмдэглэжэ байнабди. Сентябриин хоёрто Япони бэеэ тушааһанай акт баталжа, энээгээр дайн дүүрэһэндэ тоологдоһон түүхэтэй. Мүнөө Советскэ Союзай аша габьяае дүүрэн харуулангүй, түүхые шэнээр буулган бэшэхэ һэдэлгэнүүд хэгдэнэ. Хоёрдохи бүхэдэлхэйн дайнда Советскэ Союз үнэн дээрээ нэгэдэмэл Европотой тэмсээ гэжэ бидэ мэдэнэбди. Немецкэ зэбсэгтэ хүсэнүүдэй зэргэдэ Румыниин, Польшын, Болгариин, Италиин – Европын бүхы гүрэнүүдэй сэрэг байгаа. Манай түүхэдэ дахин бусажа хэлэхэдэ, тэрэ үйлэ хэрэгүүд мүнөө баһал дабтагдажа байна. Мүнөөдэр манай хүбүүд Украинада Эхэ ороноо нацистнуудһаа хамгаалжа, баһал Европын, Америкын хамтын арга боломжонуудта эсэргүүсэн тэмсэнэ. Мүнөө бидэ үшөө дахин түүхэеэ һанажа, манай сэрэгшэдые болон байлдаанай түрүү зэргэдэ ябаһан дүтын зониие, түрэл гаралаа, нүхэдөө дэмжэжэ, бултадаа хамтарбал, илалта туйлагдаха гэжэ ойлгохо ёһотойбди. Газар дэлхэй дээрэ нэгэ боложо хамтарһан Россиие диилэхэ хүсэн байхагүй,- гэжэ Буряадай Толгойлогшо Алексей Цыденов тэмдэглээ.
- Хэмжээ ябуулгада хабаадагшад дайн байлдаануудта алдалан унаһан сэрэгшэдэй мүнхэ дурасхаалые шэмээгүй байлгаар ёһолоо, Советскэ Союзай Маршал Константин Рокоссовскиин хүшөөдэ сэсэгүүдые табяа, мүнхэ ногоон гүрлөөнүүдые Илалтын хүшөөгэй Мүнхын зулада табижа ёһолоо.
Бypяад оронһоо 120 мянганһаа үлүү хүн - pecпyбликада ажаһуугшадай табадахи хүн бүхэн - Эсэгэ ороноо хамгаалгын Агууехэ дайнда мордоо, З9 мянга гараниинь алдалан унаа, 17 мянганиинь дайн байлдаануудта һураггүйгөөр хосороо. Госпитальнуудта 4,5 мянга шахуу сэрэгшэд болон офицернүүд хүндэ шархануудһаа наһа бараа һэн.
Автор: Сэнгэ РИНЧИНОВ
Фото: Буряад Уласай засагай сайтһаа
