Буряадай Толгойлогшо- Тамчын дасанда

- Тамчын дасан – нангин шүтөөнэй газар, эндэ тон ондоо мэдэрэлнүүд сэдьхэл эзэлнэ. Будаадын шажанай ехэ шүтөөн байхаһаа гадна, үшөө түүхын ехэ хүшөө гээшэ. Эндэ ерэһэн хүн бүхэн айхабтар шанга элшэ хүсэ мэдэрхэ. Хэн иишэ үшөө ерээгүйб, тэрэ заал һаа ерэхэ ёһотой, юундэб гэхэдэ, сэдьхэлдээ тэрэ хүн ехэ мэдэрэлтэй болохо. Бишье баһа дахин ерэхэб. Энэмнай ехэ элшэ хүсэнэй гуламта гээшэ, - гэжэ Буряадай Толгойлогшо Алексей Цыденов һанамжануудаараа хубаалдаа.

Дасанда тэрэ амгалан байдалай түлөө хуралда байлсажа, Данзан Дондоковой уранаар зураһан захатай бурхануудай үзэсхэлэн хараа. Тэрэнэй уран бүтээлнүүдтэй уран зураашын басаган, урлал шэнжэлэгшэ Любовь Дондокова танилсуулаа. Тэрэ абынгаа ажалнуудые наринаар хадагалжа, һэльбэн шэнэлжэ байдаг. Абань 8 наһатайһаа дасанда һуража, бурхадые  зурадаг ламын зам шэлэһэн юм. Энэ үзэсхэлэн дасанай ойн баярта зорюулагдаһан хэмжээ ябуулгануудай нэгэн болоно.

- Ехэ һонирхолтой үзэсхэлэн, тон нарин ажалнууд табигдаһан байна. Уран нарин урлалай удха шанарһаа гадна, тэдэ үшөө оюун ухаанай удхатай. Урлал, оюун ухаан болон шажан мүргэл нэгэдүүлээтэй. Энэ үзэсхэлэн ерэжэ харахыень бултаниие уряалнаб, - гэжэ республикын Толгойлогшо һанамжануудаараа хубаалдаа.

Дасанай ойн баярта зорюулагдаһан гол хэмжээ ябуулганууд  сентябриин  17-до үнгэрхэ. Сентябриин 16-да аймагай соёлой бүхы байшангуудта ойн баярта зорюулагдаһан кинонууд харуулагдаха.