85 жэлэй ойдо

1937 оной сентябрь һараһаа  мүнөө саг болотор тойрогой түүхэ, Россиин, Эрхүү можын болон нютагайнгаа хүгжэлтэдэ горитой хубита оруулһан, алдарта ажалаараа суурхаһан мэдээжэ, хүндэтэй  зон тухай  материалнуудые тойрогой захиргаанай  болон Үндэһэтэнэй музейн  мэргэжэлтэд бэлдэбэ.

Үзэсхэлэнэй нээлгын баярта Эрхүү можын Хизаар ороноо шэнжэлэлгын музейн захирал Сергей Ступин, Усть-Ордын Үндэһэтэнэй музейн захирал Афтолина Арзаева, тойрогой захиргаанай хүтэлбэрилэгшын орлогшо Андрей Дмитриев болон бэшэшье тушаалта нюурнууд хабаадаа. «Степные напевы» ансамблиин зүжэгшэдэй гүйсэдхэһэн дуу хатарнууд хэмжээ ябуулга шэмэглээ.

Усть-Ордын тойрог  Советскэ Союзай - 6,  Социалис Ажалай - 20 Геройн, Алдар Солын орденой дүүрэн 3 кавалерэй, Гүрэнэй шангай 3 лауреадай, 100 гаран профессор болон эрдэмэй докторой, уран зохёолшодой, уран зураашадай, зүжэгшэдэй, хүгжэмшэдэй тоонто мүн.