859
«Хирургическа түргэн туһаламжа, телемедицина, герниология» гэһэн шэглэлнүүдээр уулзалганууд үнгэрхэ. “Ород Уласай хирургнуудай нэгэдэл” гэһэн эмхи тус форумой эмхидхэн байгуулагшань болоно. Москва, Санкт-Петербург, Новосибирск, Владивосток хотын түрүү эмшэд Улаан-Үдэдэ уулзахадаа, оршон үеын эмнэлгын арганууд тухай хэлсэхэ, дүршэлөөрөө хубаалдаха. Үшөө тиихэдэ Семашкын нэрэмжэтэ эмнэлгын газарта 4 операци хэхээр түсэблэгдэнхэй. Тус операцинуудые хуралдаанда сугларһан зон дамжуулгаар хаража байха юм. Түрүү эмшэдэй һургуули гаража, дүршэлыень халан абаха гээшэ сэгнэшэгүй даа. Баян дүршэлтэй эмшэд нэгэ доро суглархадаа, өөһэд хоорондоошье эрдэм мэдэсээрээ хубаалдан, өөһэдтөө заатагүй шэнэ юумэ олохол даа.
Фото: medpalatarb.ru
