«Чингис хаан» музей нээгдээ

-Бидэ, монголшууд, Агууехэ Чингис хаанай үлөөһэн баялиг тэрэ зандань үлөөхэ гэжэ ажал ябуулнабди. Монгол арад түмэнэй зүгһөө тус музей барилгада оролсоһон мэргэжэлтэдтэ баярые хүргэнэб, - гэжэ баярай оршондо үгэ абахадаа, Монголой Юрэнхылэгшэ У. Хүрэлсүх хэлэбэ.

«Чингис хаан» музейдэ 12 000 экспонат хадагалагдажа байдаг юм. Түүхэтэ зүйлнүүдые бултыень хаража, үзэжэ гараха гэбэл, 6-9 саг хэрэгтэй.

-Ази түбиин 10 түрүү музейн зэргэдэ оронобди. Мүнөө үеын эрилтэдэ таарама оньһон түхеэрэлгэнүүд тодхогдонхой, - гэжэ захиралынь академик С.Чулуун тэмдэглэнэ.

Дэлхэйе хүлгөөһэн Агуу Чингис хаанай нэрэмжэтэ музей дэлхэйн аяншадые угтажа, һонирхолтой үзэсхэлэнүүдые дэлгэжэ  байхань дамжаггүй!