Региональна түлбэри - сэрэгшэдтэ

- Энэ түлбэри мэдүүлгэ үгэлтэгүйгөөр сэрэгтэ татагдаһан эрхэтэдэй бүридхэлэй дансаар түлэгдэхэ юм гэжэ тэмдэглэнэб. Мүнгэн түлбэри сэрэгшэдэй банкнуудта нээһэн нюурай счёдто оруулагдажа байха. Сэрэгэй комиссариадуудһаа мэдээнүүдэй ороһоной удаа 7 хоногой туршада  түлбэринүүд эльгээгдэхэ юм, - гэжэ Буряадай ажаһуугшадые ниигэмэй талаар хамгаалгын сайд Татьяна Быкова онсолоо.

Нэгэ дахин түлэгдэхэ түлбэри тухай шиидхэбэри Алас Дурнын можо хизаарнуудта  Алас Дурнын федеральна тойрогоор Юрэнхылэгшын бүрин эрхэтэ түлөөлэгшэ Юрий Трутневай даабаряар болон дэмжэлгээр долоон хоногой урда тээ  абтаа һэн гэжэ албанай хүтэлбэрилэгшэ һануулна.