Буряад орондо - түбэд эмнэлгэ

Россиин эрдэмэй академиин этнологиин ба антропологиин институдай эмхидхэhэн онлайн хэмжээндэ түүхын, гүн ухаанай, социологиин, эмнэлгын, биологиин эрдэмтэд ба фармацевтнүүд хабаадаhан байна.       

Симпозиум дээрэ мүнɵɵдэрэй эмнэлгын шухала асуудалнууд зүбшэн хэлсэгдэhэн ушартай.  Эрдэмтэд “COVID-19” гэhэн сэдэбтэ гол анхаралаа хандуулаа. Тэдэнэр элидхэлнүүд соогоо, «түхэреэн шэрээгэй» үедэ дэлхэйн элдэб гүрэнүүдтэ хорон үбшэнтэй тэмсэлдэ хэрэглэдэг эгээл эрхим арганууд, эмүүд тухай зүбшэн хэлсэбэд.      

Энэдхэгэй, Түбэдэй ба бусад арадуудай аргануудта ехэ анхарал хандуулагдаа гэжэ тэмдэглэхэнь шухала. Тэдэнэй тоодо Буряадай ба Байгал шадархи газарнуудаар түбэд эмнэлгэ хүгжɵɵлгын асуудал бодхоогдоhон байна.    

Буряад Уласай ниитэ холбооной агентствын захирал Лариса Бочаровагай элидхэhээр, табан жэлэй саада тээ манай региондо эм домто ургамалнуудые ургуулдаг үйлэдбэриин ажаябуулганууд эхилhэн.   

Тэрэнэй хэмжээндэ «Өɵр тээшээ 21 алхам» гэhэн элүүр энхын hургуули байгуулагдаhан ушартай. Тус эмхиин гол арганууд «Джуд -Ши» ба «Дүрбэн тантра». Энэ түсэлэй бэелүүлгэдэ заншалта аргын эмшэд, Түбэдые шэнжэлэлгын эрдэмтэд, фармацевтнүүд болон бусад мэргэжэлтэд хабаадана. Урдын эмнэлгын аргануудые ба эмүүдые мүнɵɵнэй эмнэлгын туйлалтануудтай холбожо, хорото үбшэнгүүдые сараха аргатай зүйлнүүдые бии болгохо үүргэтэй түсэл урагшатайгаар бэелүүлэгдэнэ.