Һургуулиин унаа

- Иимэ олон шэб шэнэ автобусуудые һургуулинуудта тараажа байнабди. Энэмнай «Һуралсал» гэһэн Үндэһэтэнэй түсэлэй аргаар, мүн Юрэнхылэгшын оролдолгоор бэелүүлэгдэбэ. Хүндэтэ нютагаархид, амаршалнаб! Энэ унаагаар үхибүүднай аюулгүйгөөр ябажа байг даа, - гэжэ Алексей Цыденов хэлэбэ.

«ПАЗ», «ГАЗ», «УАЗ» түхэлэй шэнэхэн унаанууд Баргажанай, Баунтын, Бэшүүрэй, Зэдын, Яруунын, Загарайн, Захааминай, Ивалгын, Кабанскын, Хэжэнгын, Хурамхаанай, Хяагтын, Мухар-Шэбэрэй, Байгал шадарай, Тарбагатайн, Түнхэнэй аймагуудай болон Северобайкальскын,Улаан-Үдын һургуулинуудта дамжуулагдаа.

Оройдоо 5 жэлэй туршада Буряад Уластамнай  һургуулиин  301 автобус абтаа.